12/12/2023
Դեկտեմբերի 11-ին ՇՄՆ «Հայհիդրոմետ» ՊՈԱԿ-ի լաբորատորիայում տնօրեն Լևոն Ազիզյանը հանդիպում ունեցավ ԵՄ և Գերմանիայի կառավարության կողմից ֆինանսավորվող և Գերմանական միջազգային համագործակցության ընկերության (ԳՄՀԸ/GIZ) և ՄԱԿ-ի զարգացման ծրագրի կողմից իրականացվող «Սևանա լճի շրջակա միջավայրի պահպանություն» (EU4Sevan) ծրագրի ղեկավար Քրիստիան Հենշելի և ծրագրի ջրային ռեսուրսների համապարփակ կառավարման գծով խորհրդական Ալեքսանդր Առաքելյանի հետ:
EU4Sevan ծրագրի շրջանակում, նպատակ ունենալով բարելավել Սևանա լճի և ավազանի բնապահպանական մոնիթորինգը, ձեռք են բերվել․
Հանդիպման ընթացքում ցուցադրվեցին EU4Sevan ծրագրի օգնությամբ ձեռք բերված սարքավորումները և տեխնիկան:
Հայհիդրոմետ» ՊՈԱԿ-ի տնօրեն Լևոն Ազիզյանը Քրիստիան Հենշելին շնորհակալություն հայտնեց ցուցաբերած օժանդակության համար, նշելով ինչպես լաբորատորիայի տեխնիկական կարողությունները հզորացնելուն ուղղված միջոցառումների կարևորության, այնպես էլ աշխատակիցների մասնագիտական կարողությունների բարելավմանն ուղղված դասընթացների կազմակերպման մասին:
Պարոն Հենշելն էլ իր հերթին կարևորեց «Հայհիդրոմետ» ՊՈԱԿ-ի հետ համագործակցությունը` լաբորատորիայի շարունակական տեխնիկական վերազինման և աշխատակիցների կարողությունների զարգացման հարցում և հույս հայտնեց, որ հետագա համագործակցությունները նույնպես արդյունավետ կլինեն և կնպաստեն Սևանա լճի էկոհամակարգի առավել արդյունավետ և կայուն կառավարմանը։