23/10/2025
Հոկտեմբերի 22-ին Համաշխարհային օդերևութաբանական կազմակերպության արտահերթ կոնգրեսի շրջանակներում տեղի է ունեցել հանդիպում Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի, տնօրենի գլխավոր Խորհրդականի և Տաջիկստանի Հանրապետության կառավարությանն առընթեր շրջակա միջավայրի պաշտպանության կոմիտեի «Տաջիկհիդրոմետ» գործակալության տնօրեն Աբդուլլո Խաբիբուլո Քուրբոնզոդայի միջև։
Հանդիպման ընթացքում ստորագրվել է համագործակցության հուշագիր, որի նպատակն է ամրապնդել Հայաստանի և Տաջիկստանի հիդրոօդերևութաբանական ծառայությունների միջև գործընկերային կապերը և խթանել համատեղ ծրագրերի իրականացումը։
Հուշագրով նախատեսվում է համագործակցություն՝
Այս համագործակցությունը կարևոր քայլ է երկու երկրների հիդրոօդերևութաբանական կառույցների միջև փոխադարձ վստահության և գիտատեխնիկական կապերի խորացման ճանապարհին։
Ստորագրված հուշագիրը կնպաստի երկու երկրների ընդհանուր նպատակին՝ բարձրացնելու կանխատեսումների ճշգրտությունը և ամրապնդելու բնակչության անվտանգության մակարդակը։
Նստաշրջանի ընթացքում կքննարկվեն հիդրոօդերևութաբանության, կլիմայական ծառայությունների և ռիսկերի կանխարգելման ոլորտներում համագործակցության հիմնական հարցերը:
