08/11/2023
«ԵՄ-ն` շրջակա միջավայրի համար. ջրային ռեսուրսներ և շրջակա միջավայրի տվյալներ» ծրագրի շրջանակներում նոյեմբերի 7-8-ը ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի լաբորատորիայում Ավստրիայի շրջակա միջավայրի գործակալության փորձագետներ Վոլֆրամ Սթոքինգերը և Դաշա Հլուբիկովան անցկացրեցին դիատոմների և մակրոանողնաշարավորների վերաբերյալ գործնական դասընթաց:
Դասընթացի նպատակն էր մասնակիցներին սովորեցնել, թե ինչպես ճիշտ և բավարար մակարդակով նույնականացնել տեսակները՝ խուսափելով սխալներից և սխալ նույնականացումներից, ծանոթանալ մակրոանողնաշարավորների նմուշառման, վերլուծության, նրանց մորֆոլոգիայի, տերմինաբանության և նույնականացմանը, ունենալ անհրաժեշտ գիտելիքներ և նախադրյալներ՝ ՋՇԴ կանոնակարգերին համապատասխան բենթոսային դիատոմի նմուշների և մակրոանողնաշարավորների մանրադիտակային վերլուծություն իրականացնելու համար։
Դասընթացի ժամանակ հետազոտվեցին նաև «ԵՄ-ն` շրջակա միջավայրի համար. ջրային ռեսուրսներ և շրջակա միջավայրի տվյալներ» ծրագրի շրջանակներում դաշտային հետազոտությունների ընթացքում հավաքված նմուշները, ինչպես նաև եվրոպական այլ վայրերից փորձագետների կողմից բերված նմուշները՝ ընդգրկելու դիատոմների տաքսոնների մորֆոլոգիական լայն սպեկտրը:
Դասընթացին հրավիրված էին մասնակցելու նաև ՀՀ ԳԱԱ Կենդանաբանության և հիդրոէկոլոգիայի գիտական կենտրոնի համապատասխան ոլորտի մասնագետները։
