17/02/2025
2025 թվականի փետրվարի 5-ից փետրվարի 7-ը Ժնևում, Շվեյցարիա անցկացվեց Բազելի, Ռոտերդամի և Ստոկհոլմի համաժողովների հանդիպումների համար պոտենցիալ համանախագահողների դասընթացը։
Կարևոր իրադարձություններ: Բազելի, Ռոտերդամի և Ստոկհոլմի կոնվենցիաների իրագործումն ուժեղացնելու համար անհրաժեշտություն կա ընդլայնել վերապատրաստված, վստահ և պատրաստակամ նախագահողների քանակն ու բազմազանությունը կոնվենցիաների տարբեր հանդիպումների համար:
Եռօրյա վերապատրաստման սեմինարները` զուգորդված առցանց վերապատրաստման հետ, նպատակ ունեին բարձրացնել պետական պաշտոնյաների հմտություններն ու գիտելիքները՝ արդյունավետորեն նախագահելու տարբեր տեսակի հանդիպումներ՝ երեք կոնվենցիաների ընթացքում:
Դասընթացը վերաբերում էր միջազգային հանդիպումների նախագահների առջև ծառացած գործնական և ընթացակարգային խնդիրներին, որոնք ներառում էին հանդիպումների արդյունավետ անցկացում, ընթացակարգային կանոններ, վարչական հարցեր՝ կապված երեք կոնվենցիաների համաձայն տարբեր հանդիպումների գործունեության հետ, ինչպես նաև գենդերային հավասարության նկատառումներ և մշակութային տարբերությունների իրազեկում:
Դասընթացը բաղկացած էր երկու հաջորդական բաղադրիչներից՝ առցանց վերապատրաստման դասընթացից, որին հաջորդում էին եռօրյա դեմ առ դեմ սեմինարները:
Թիրախային լսարան: Դասընթացը ուղղված էր Բազելի, Ռոտերդամի և Ստոկհոլմի համաժողովների Կողմերի ներկայացուցիչներին: Հետաքրքրված մասնակիցները պետք է նախկինում գլխավոր դեր ստանձնած լինեին Բազելի, Ռոտերդամի և Ստոկհոլմի կոնվենցիաների շրջանակներում՝ բանակցություններում և ցանկություն ունենային մասնակցելու կոնվենցիաների շրջանակներում առաջիկա հանդիպումների նախագահների դերերին: Մասնակիցների թվում էին ներկայացուցիչներ, որոնք ներգրավված էին Սնդիկի մասին Մինամատայի կոնվենցիայի և Քիմիական նյութերի գլոբալ շրջանակի աշխատանքներում:
Հայաստանի Հանրապետությունից դասընթացին մասնակցեց Շրջակա միջավայրի նախարարության «Հայհիդրոմետ» ՊՈԱԿ-ի թափոնների և քիմիական նյութերի ուսումնասիրության ծառայության պետ, Բազելի կոնվենցիայի ազգային համակարգող, Բազելի կոնվենցիայի համանախագահ (Կենտրոնական Եվրոպա տարածաշրջանից), «Բազելի կոնվենցիայի հավելվածների վերանայման» աշխատանքային խմբի համանախագահ, «Պահեստներում, արտադրանքներում և օգտագործվող առարկաներում ու թափոններում ԿՕԱ-ների» միջնստաշրջանային աշխատանքային խմբի համանախագահ՝ Արտակ Խաչատրյանը:
Կազմակերպիչներ: Այս աշխատաժողովը կազմակերպվել է Բազելի, Ռոտերդամի և Ստոկհոլմի կոնվենցիաների քարտուղարության կողմից՝ Եվրամիության և Գերմանիայի և Շվեյցարիայի կառավարությունների առատաձեռն ֆինանսական աջակցության շնորհիվ:
