04.11.2021թ. Կլիմայի փոփոխությունը խորացնում է սակավաջրություն
Կլիմայի փոփոխությունը խորացնում է ինչպես սակավաջրությունը, այնպես էլ ջրի որակը, քանի որ ջերմաստիճանի բարձրացումը խաթարում է տեղումների ռեժիմը և ջրի շրջապտույտը:
02.11.2021թ. Օդալուսանկարահանում «Հրազդանի անտառտնտեսություն» մասնաճյուղի Երևանի տեղամասի Երևանի անտառպետությունում
ՇՄՆ «ՀՄԿ» ՊՈԱԿ-ի կողմից իրականացվել է «Հրազդանի անտառտնտեսություն» մասնաճյուղի Երևանի տեղամասի Երևանի անտառպետությունում հոկտեմբերի 19-ին հրդեհված տարածքի օդալուսանկարահանումը՝ ԱԹՍ-ով։
26.10.2021թ. ՈՒՇԱԴՐՈՒԹՅՈՒ՛Ն
Ինչպես և կանխատեսվել էր երեկ երեկոյան ժամերն և գիշերը հանրապետության մի շարք շրջաններում դիտվել է ձյուն։ Ձյան տեսքով տեղումներ են դիտվել Շիրակում, Լոռիի և Տավուշի նախալեռներում, Արագածոտնի և Կոտայքի լեռնային գոտիներում, Գեղարքունիքում, Վայոց ձորի լեռնային շրջաններում, Սյունիքի լեռնային և նախալեռնային շրջաններում։
25.10.2021թ. ՈՒՇԱԴՐՈՒԹՅՈՒ՛Ն
Այսօր երեկոյան ժամերին և առաջիկա գիշերը Լոռիում, Տավուշի նախալեռներում, Կոտայքի լեռնային շրջաններում, Գեղարքունիքում, Վայոց ձորի լեռնային շրջաններում, Սյունիքի լեռնային և նախալեռնային շրջաններում սպասվում է ձյուն։ Վարորդներին կոչ ենք անում նշված շրջաններ երթևեկել ձմեռային անվադողերով։
21.10.2021թ. Համաշխարհային օդերևութաբանական կազմակերպության արտահերթ կոնգրեսը հաստատել է Գլոբալ բազային դիտարկումների նոր ցանցը (GBON)
Համաշխարհային օդերևութաբանական կազմակերպության արտահերթ կոնգրեսը հաստատել է Գլոբալ բազային դիտարկումների նոր ցանցը (GBON): Այն զգալիորեն կբարելավի կլիմայի և եղանակի կանխատեսման մեջ կարևոր նշանակություն ունեցող գետնամերձ դիտարկումների արդյունքում ստացված տվյալների հասանելիությունը և փոխանակումը։
21.10.2021թ. Հանդիպում ՇՄՆ «ՀՄԿ» ՊՈԱԿ-ում «Սևանա լճի շրջակա միջավայրի պաշտպանություն» ծրագրի շրջանակում
Հոկտեմբերի 20-ին ՇՄՆ «ՀՄԿ» ՊՈԱԿ-ի տնօրենի ժ/պ Լևոն Ազիզյանն ընդունել է «Սևանա լճի շրջակա միջավայրի պաշտպանություն» (EU4Sevan) ծրագրի շրջանակում իրականացված հաքաթոնի 3-րդ կարգի մրցանակին արժանացած ՊՈԱԿ-ի աշխատակիցներ Ռուզաննա Ավդալյանին, Գոռ Խաչատրյանին և ՀՀ ԿԳՄՍՆ Գիտական կոմիտեի կողմից հայտարարված Գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի մրցույթի արդյունքում ֆինանսավորման երաշխավորված թեմայի ղեկավար, ՊՈԱԿ-ի աշխատակից Վարդուհի Մարգարյանին:Լևոն Ազիզյանը շնորհավորեց աշխատակիցներին նվաճումների առթիվ և մաղթեց նոր հաջողություններ:
18.10.2021թ. Ծառատունկ «Արգելոցապարկային համալիր» ՊՈԱԿ-ի «Ջրվեժ» անտառպարկում
Հոկտեմբերի 16-ին Շրջակա միջավայրի նախարարության «Արգելոցապարկային համալիր» ՊՈԱԿ-ի «Ջրվեժ» անտառպարկում ամառային հրդեհների արդյունքում այրված մոտ 7 հեկտար տարածքում ծառատունկ իրականացվեց։
15.10.2021թ. Կլիմայի և աղետներին դիմակայունության գերազանցության կենտրոնի ստեղծման մեկնարկը
Համաշխարհային օդերևութաբանական կազմակերպությունը և ՄԱԿ -ի Աղետների ռիսկերի նվազեցման գրասենյակը հոկտեմբերի 13-ին նշել են Աղետների ռիսկերի նվազեցման միջազգային օրը՝ ազդարարելով Կլիմայի և աղետներին դիմակայունության գերազանցության կենտրոնի ստեղծման մեկնարկը:
15.10.2021թ. Հոկտեմբերի 12-ին ՇՄՆ «ՀՄԿ» ՊՈԱԿ-ի Օրհուս կենտրոնը հյուրընկալել էր ՀԱԱՀ-ի մագիստրատուրայի ուսանողներին
Հոկտեմբերի 12-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի Օրհուս կենտրոնը հյուրընկալել էր Հայաստանի ագրարային համալսարանի «Բնապահպանություն և բնօգտագործում» մասնագիտության մագիստրատուրայի 1-ին կուրսի ուսանողներին «Անտառագիտություն և ագրոէկոլոգիա» ամբիոնի վարիչի պաշտոնակատար, դոցենտ Մ.Մարկոսյանի և «Կայուն ագրոպարենային համակարգեր» առարկայի դասախոս Լ․Մաթևոսյանի ուղեկցությամբ։
15.10.2021թ. Հոկտեմբերի 11-ին մեկնարկել է Համաշխարհային օդերևութաբանական կազմակերպության Կոնգրեսի արտահերթ նստաշրջանը
Հոկտեմբերի 11-ին մեկնարկել է Համաշխարհային օդերևութաբանական կազմակերպության Կոնգրեսի արտահերթ նստաշրջանը (Cg-Ext (2021), որի մասնակցում է նաև «Հիդրոօդերևութաբանության և մոնիթորինգի կենտրոն» ՊՈԱԿ-ի պատվիրակությունը՝ տնօրենի ժամանակավոր պաշտոնակատար Լ․ Ազիզյանի գլխավորությամբ։
07.10.2021թ. Հոկտեմբերի 7-ին ՇՄՆ «ՀՄԿ» ՊՈԱԿ-ի կենտրոնական լաբորատորիա էին այցելել ՀԱԱՀ-ի ուսանողները
Հոկտեմբերի 7-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի կենտրոնական լաբորատորիա էին այցելել Հայաստանի ազգային ագրարային համալսարանի ագրարային ճարտարագիտության ֆակուլտետի կենսագործունեության անվտանգության ամբիոնի 3-րդ կուրսի ուսանողները:
08.10.2021թ. Արևմտյան Սիբիրից արկտիկական ցուրտ օդային հոսանքների ներթափացում
Հոկտեմբերի 5-ին Արևմտյան Սիբիրից արկտիկական ցուրտ օդային հոսանքների ներթափացմամբ պայմանավորված` հանրապետության ամբողջ տարածքում հաստատվեցին անոմալ ցրտեր, որոնք մի շարք շրջաններում ուղեկցվեցին ձյան առատ տեղումներով։
05.10.2021թ. Հանրապետության լեռնային մի շարք բնակավայրերում տեղում է առաջին ձյունը
.png)
Ինչպես և կանխատեսվել էր այսօր օրվա երկրորդ կեսից սկսած հանրապետության լեռնային մի շարք բնակավայրերում տեղում է առաջին ձյունը։ Մասնավորապես ձյան առատ տեղումներ են դիտվել Ճամբարակի հատվածում։
04.10.2021թ. Մեկնարկել է Անկախ պետությունների համագործակցության Հիդրոօդերևութաբանության միջպետական խորհրդի 32-րդ նստաշրջանը
Այսօր մեկնարկել է Անկախ պետությունների համագործակցության Հիդրոօդերևութաբանության միջպետական խորհրդի 32-րդ նստաշրջանը, որին առցանց ձևաչափով մասնակցում է ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի պատվիրակությունը՝ տնօրենի ժամանակավոր պաշտոնակատար Լ․ Ազիզյանի գլխավորությամբ, ինչպես նաև ՀՀ ՇՄՆ միջազգային համագործակցության վարչության պետի տեղակալ Ա․Նիկոյանը։
