09/06/2025
«Հայհիդրոմետ» ՊՈԱԿ-ը մայիսի 30-ին, ճանաչողական այցի շրջանակում օդերևութաբանության և կլիմայի ծառայություններում, հյուրընկալել էր Մարտունի համայնքի Ներքին Գետաշենի Ա․ Եղիազարյանի անվան հ 2 միջնակարգ դպրոցի աշակերտներին։
Այցի ընթացքում աշակերտները ծանոթացել են օդերևութաբանական պարամետրերի դիտարկման և գրանցման ընթացակարգերին, այնուհետև նրանց ներկայացվել է օդերևութաբանական կանխատեսումների ընթացքը, ինչպես նաև կլիմայի փոփոխության հիմնախնդիրները: Տեղի են ունեցել ակտիվ քննարկումներ և մտքերի փոխանակում մասնագիտական հարցերի շուրջ:
