22/05/2025
Այսօր Կենսաբանական բազմազանության միջազգային օրն է, օրվա այս տարվա թեման է. «Բնության հետ ներդաշնակություն և կայուն զարգացում»:
Կայուն զարգացումը պահանջում է ներդաշնակություն կյանքի բոլոր ձևերի հետ, այդ թվում՝ նրանց, որոնց մենք գրեթե չենք նկատում:Կենսաբազմազանության փոքրագույն ինժեներներից են լորձասնկերը՝ աննկատ, բայց «խելացի» օրգանիզմներ, որոնք կարող են ճանապարհ գտնել լաբիրինթոսներում, օպտիմալացնել սննդանյութերի ուղիները և ուշագրավ արդյունավետությամբ հարմարվել շրջակա միջավայրի փոփոխություններին: Լորձասնկերը անտառային էկոհամակարգերում կարևոր դեր են խաղում օրգանական նյութի քայքայման, սննդանյութերի շրջանառության ապահովման, բակտերիաների և միկրոանողնաշարավորների համար միկրոբնակավայրերի ձևավորման մեջ, ինչպես նաև ծառայում են որպես կենսամիջավայրի շարունակականության և առողջության ցուցիչներ:Աշխարհի շատ վայրերում, այդ թվում՝ մեր երկրում, փոքր օրգանիզմները մնում են թերուսումնասիրված և թերագնահատված, սակայն դրանք կարևոր ենթակառուցներ են կենսամիջավայրի համար։
Շարժվելով դեպի ավելի կայուն ապագա, փորձենք ոչ միայն նկատել և պաշտպանել տեսանելին, այլև ուսումնասիրենք միկրոմասշտաբային օրգանիզմներին:
~~~~~~~~~~~~~~~~~~~~
Նկարներում «Հայհիդրոմետ» ՊՈԱԿ-ի կենսաբազամզանության մոնիթորինգի խմբի կողմից հայտնաբերված սնկային ու լորձասնկային տեսակների որոշ նմուշներ են:
