24/03/2025
Մասնագիտական տոներին նվիրված միջոցառումների շրջանակում Հիդրոլոգիայի ծառայության հիդրոլոգիական կանխատեսումների բաժնի պետ` Լուսինե Շաքարյանը 2025 թվականի մարտի 22-ին բաց դաս է անցկացրել Երևանի Գրիգոր Նարեկացու անվան №137 հիմնական դպրոցի 7-րդ դասարանի աշակերտների հետ։ Բաց դասը նվիրված էր Ջրի համաշխարհային օրվա թեմային` ՍԱՌՑԱԴԱՇՏԵՐԻ ՊԱՀՊԱՆՈւՄԸ։ Դասին ներկայացվել է Ջրի համաշխարհային օրվա և Սառցադաշտերի համաշխարհային օրվա խորհուրդը, անցկացման կարևորությունը՝ ուշադրություն հրավիրելով սառցադաշտերի կենսական նշանակությանը։ Բաց դասին իրենց ակտիվ մասնակցությունն են ունեցել նաև աշակերտները: Հարց ու պատասխանի միջոցով քննարկվել է սառցադաշտերի հալքի պատճառները, դրանց հետևանքները, սառցադաշտերի վրա կլիմայի փոփոխության ազդեցությունը և այդ ազդեցությունները մեղմելու և հարմարվելու համար ձեռնարկվող քայլերը։
