18/11/2024
Նոյեմբերի 15-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը մասնակցել է ԵՊՀ աշխարհագրության և երկրաբանության ֆակուլտետի հոբելյանական «90-ամյա գերազանցություն» խորագրով միջոցառմանը և դրան հաջորդող հանդիսավոր արարողությանը։
Միջոցառման ընթացքում Լևոն Ազիզյանի կողմից ներկայացվել է «Հիդրոօդերևութաբանության և մոնիթորինգի կենտրոն» ՊՈԱԿ-ում աշխարհագրության և երկրաբանության ֆակուլտետի ուսանողների համար կազմակերպված պրակտիկաների վերաբերյալ տեղեկատվություն, դրանց կարևորության, մասնագիտացման մեջ կողմնորոշման և հետագայում աշխատանքի ձեռքբերման հնարավորությունների մասին։
Լևոն Ազիզյանը մասնակցել է նաև անվանի երկրաբան Պետրոս Ալոյանի անվան ԳԵՈ-Ինովացիոն կրթական կենտրոնի բացմանը:
Լինելով ԵՊՀ աշխարհագրության և երկրաբանության ֆակուլտետի շրջանավարտ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենն արժանացել է հուշամեդալի։
