22/07/2024
Շաբաթվա ընթացքում շարունակվել է մշակաբույսերի աճն ու զարգացումը։
Հովտային շրջաններում շարունակվել է պտղատուների և բանջարանոցային մշակաբույսերի, ձմերուկի հասունացումը և բերքահավաքը, կատարվել է խոտաբույսերի երկրորդ հունձ։
Նախալեռնային շրջաններում աշնանացան ցորենը գտնվել է մոմային հասունացման փուլում, տեղ-տեղ հասունացել է, սկսվել է եգիպտացորենի հասունացումը, շարունակվել է կարտոֆիլի վերգետնյա մասի թառամումը, կաղամբի հասունացումը, կատարվել է պտղատուների բերքահավաք։
Լեռնային շրջաններում հացահատիկային մշակաբույսերը գտնվել են կաթնային և մոմային հասունացման փուլերում։ Շարունակվել է կաղամբի գլխի ձևավորումը, սկսվել է կորիզավոր պտղատուների հասունացումը։
