15/07/2024
Շաբաթվա ընթացքում շարունակվել է մշակաբույսերի աճն ու զարգացումը։ Հովտային շրջաններում ավարտվել է աշնանացան ցորենի բերքահավաքը, շարունակվել է պտղատուների հասունացումը, խոտաբույսերը ծաղկել են։
Նախալեռնային շրջաններում աշնանացան ցորենը դեռ գտնվել է մոմային հասունացման փուլում, սկսվել է եգիպտացորենի կաթնային հասունացումը, դիտվել է կարտոֆիլի վերգետնյա մասի թառամում և կաղամբի տեխնիկական հասունացում, պտղատուների մոտ շարունակվել է շաքարանյութի կուտակումը։
Լեռնային շրջաններում հացահատիկային մշակաբույսերը գտնվել են կաթնային, տեղ-տեղ սկսվել է մոմային հասունացումը։ Շարունակվել է կաղամբի միջահաս տեսակի գլխի ձևավորումը, կարտոֆիլի ծաղկումն ավարտվել է։
