11/07/2024
Շրջակա միջավայրի եվրոպական գործակալության (ՇՄԵԳ) հրապարակած վերջին տվյալների գնահատման համաձայն, օդի հիմնական աղտոտիչների արտանետումները, որոնք նպատակաուղղված են նվազեցման և վերահսկման, շարունակել են նվազել ԵՄ անդամ երկրների մեծ մասում: Այնուամենայնիվ, ամոնիակի արտանետումների կրճատման խնդիրը մնում է անփոփոխ:
Ըստ ՇՄԵԳ գնահատման, 2022 թվականին 16 անդամ երկրները կատարեցին 2020-2029թթ. արտանետումների կրճատման իրենց ազգային պարտավորությունները՝ համաձայն ԵՄ արտանետումների կրճատման պարտավորությունների մասին հրահանգի, հինգ հիմնական աղտոտիչներից յուրաքանչյուրի (ազոտի օքսիդներ, ոչ մեթան ցնդող օրգանական միացություններ, ամոնիակ, ծծմբի երկօքսիդ և կախված մասնիկները) համար։ 11 անդամ երկրները չկարողացան կրճատել օդի հինգ հիմնական աղտոտիչներից գոնե մեկը:
Հետագա առաջընթացը
Ամոնիակի արտանետումների կրճատումը մնում է ամենամեծ մարտահրավերը. 9 անդամ երկրներ պետք է նվազեցնեն 2022 թվականի արտանետումների մակարդակը՝ 2020-2029թթ․ կրճատման իրենց պարտավորությունները կատարելու համար: Համաձայն ՇՄԵԳ գնահատման՝ ամոնիակի ընդհանուր արտանետումների 93%-ի հիմնական աղբյուրը գյուղատնտեսության ոլորտն է:
2030 թվականը և դրանից հետո հետագա կրճատումների հասնելը լուրջ մարտահրավեր կլինի ԵՄ գրեթե բոլոր երկրների և օդի գրեթե բոլոր աղտոտիչների համար: Ժամանակի ընթացքում որոշ աղտոտիչների արտանետումների կրճատումը նվազում է: Բացառություն է կազմում ծծմբի երկօքսիդը, որտեղ 22 անդամ երկրներ արդեն իսկ համապատասխանում են 2030 թվականի կրճատման պարտավորություններին:
<
