21.04.2021թ. Մեկնարկել է «Օդերևութաբանական արբանյակների շահագործման եվրոպական կազմակերպության (EUMETSAT) տեղեկատվական օր» թեմայով առցանց աշխատաժողովը
16.04.2021թ. Տարեկան մթնոլորտային տեղումները ՀՀ տարածքում (2020թ.)
Անցյալ տարի մթնոլորտային տեղումների տարեկան քանակը կազմել է 538մմ, որը նորմայի 91%-ն է։
Մթնոլորտային տեղումների քանակը գերազանցել է սեզոնային նորման միայն գարնանը՝ կազմելով նորմայի 114%-ը: Ամռանը տեղումների քանակը պակաս էր նորմայից (նորմայի 90%-ը), իսկ ձմռանն ու աշնանը դիտվեց խիստ չոր եղանակ՝ տեղումների քանակը կազմեց նորմայի միայն 60%-ը:
16.04.2021թ. 2019 թվականին ՀՀ-ում ջրառը և ջրօգտագործումը
2019 թվականին ՀՀ-ում ջրառը կազմել է 2865.4 մլն. մ³, ջրօգտագործումը` 2 123.7 մլն. մ³: Ջրի տրանզիտային կորուստները կազմել են 741.7 մլն. մ³ կամ ջրառի 25.9%-ը:
Ջրօգտագործումն իրականացվել է հետևյալ նպատակներով՝
Ոռոգում - 51.6%
Ձկնաբուծություն - 35.6%
Արտադրական - 6.7%
Խմելու - 6.0%
Այլ կարիքներ - 0.1%
«ՀՄԿ» ՊՈԱԿ-ի աշխատակիցներն ապրիլի 13-ին մասնակցեցին IG3IS-ի (Ջերմոցային գազերի ինտեգրված, գլոբալ, տեղեկատվական համակարգ) «Շահագրգիռ կողմերի խորհրդատվություն. hողօգտագործում, հողօգտագործման փոփոխություն, անտառային տնտեսություն» թեմայով քննարկմանը:
IG3IS-ը մոդելավորմամբ և վերլուծությամբ համատեղում է մթնոլորտային օդում ջերմոցային գազերի կոնցենտրացիայի չափումները մարդկային գործունեության տվյալների հետ՝ օգնելով որոշումներ կայացնողներին ավելի նպատակային գործողություններ ձեռնարկելու՝ ջերմոցային գազերի արտանետումները և աղտոտիչները նվազեցնելու համար, որոնք վատացնում են օդի որակը:
13.04.2021թ. Ապրիլի 12-16-ը «Հիդրոօդերևութաբանության և մոնիթորինգի կենտրոն» ՊՈԱԿ-ի աշխատակիցները մասնակցում են Համաշխարհային օդերևութաբանական կազմակերպության Դիտարկման, ենթակառուցվածքների և տեղեկատվական համակարգերի հանձնաժողովի առաջին նիստի 3-րդ մասին (INFCOM – 1 (III))
Ապրիլի 12-16-ը «Հիդրոօդերևութաբանության և մոնիթորինգի կենտրոն» ՊՈԱԿ-ի աշխատակիցները մասնակցում են Համաշխարհային օդերևութաբանական կազմակերպության Դիտարկման, ենթակառուցվածքների և տեղեկատվական համակարգերի հանձնաժողովի առաջին նիստի 3-րդ մասին (INFCOM – 1 (III))։
09.04.2021թ. 2020 թվականին գետերի ջրի որակը նախորդ տարվա համեմատությամբ էական փոփոխություն չի կրել
Ուսումնասիրված գետային 104 դիտակետից
🟢 24%-ը գնահատվել է 2-րդ դաս («լավ» որակ)
🟡 37%-ը՝ 3-րդ դաս («միջակ» որակ)
🟠 18%-ը՝ 4-րդ դաս («անբավարար» որակ)
🔴 21%-ը՝ 5-րդ դաս («վատ» որակ):
Դիտակետերից 22-ում ջրի որակը գնահատվել է 5-րդ դաս՝ «վատ» որակ.
09.04.2021թ. Եղանակի և կլիմայի կանխատեսման ապագան
Համաշխարհային օդերևութաբանական կազմակերպությունը հրատարակել է եղանակի և կլիմայի կանխատեսման ապագայի վերաբերյալ պաշտոնական փաստաթուղթ՝ «White paper»։
Վերջին տասնամյակում եղանակի և կլիմայի վերաբերյալ որոշումների կայացման գործընթացում, եղանակի և կլիմայի կանխատեսումների վերաբերյալ տեղեկատվության պահանջարկն արագորեն աճել է և առաջիկա տարիներին էլ ավելի արագ կաճի:
Կանխատեսումների օգտագործման արդյունքում մեծ առաջընթաց է գրանցվել մարդկային գործունեության մի շարք ոլորտներում:
08.04.2021թ. Տաք օդի ալիքը Հայաստանում կընդհատվի ապրիլի 10-ից
Արաբական թերակղզուց ներթափանցած տաք օդի ալիքը հանրապետության տարածքում առաջացրել է անոմալ բարձր ջերմային ֆոն։ Ապրիլի առաջին տասնօրյակում նմանատիպ բարձր ջերմաստիճան Հայաստանում վերջին անգամ դիտվել է 1975 թվականին։
Ապրիլի 7-ին ամենաբարձր ջերմաստիճանը գրանցվել է Մեղրիում՝ +29, Արարատյան դաշտում մինչև +26, սակայն ըստ կանխատեսման՝ այսօր և վաղը Սյունիքի հովիտներում կգրանցվի +30․․․+32, իսկ Արարատյան դաշտում և Երևանում +27․․․+29 աստիճան, որը կլիմայական նորմայից բարձր է 8-ից 10 աստիճանով։
07.04.2021թ. Կայացել է REC Caucasus ծրագրի մեկնարկային հանդիպում-ասուլիսը
Կայացավ REC Caucasus` Եվրամիության կողմից ֆինանսավորվող «Շրջակա միջավայրի պահպանման վերաբերյալ համատեղ մոնիթորինգային ծրագիր` Սևծովյան ավազանի երկրների համար» ծրագրի մեկնարկային հանդիպում-ասուլիսը, որտեղ բացման խոսքով հանդես եկավ ՇՄՆ նախարարի տեղակալ Աննա Մազմանյանը, ինչպես նաև «ՀՄԿ» ՊՈԱԿ-ի տնօրենի ժամանակավոր պաշտոնակատար Լևոն Ազիզյանը:
02.04.2021թ. Թողարկվել է «ՀՀ գետերի գարնանային վարարումների տարրերի կանխատեսում-2021» տեղեկագիրը
Թողարկվել է «ՀՀ գետերի գարնանային վարարումների տարրերի կանխատեսում-2021» տեղեկագիրը, որտեղ ներկայացված են գետերի գարնանային վարարումների հոսքի ծավալի, առավելագույն ելքերի, ինչպես նաև Սևանա լճի մակարդակի և 5 խոշոր ջրամբարների առավելագույն լցվածության վերաբերյալ կանխատեսումները:
30.03.2021թ. Աշխատանքային քննարկում «Կլիմայի փոփոխության ազդեցության մեղմում Հայաստանում անտառային և դաշտային հրդեհների կառավարման կարողությունների զարգացման միջոցով» թեմայով
Մարտի 26-ին և 27-ին «Հիդրոօդերևութաբանության և մոնիթորինգի կենտրոն» ՊՈԱԿ-ի աշխատակիցները մասնակցել են ՄԱԶԾ հայաստանյան գրասենյակի Ռուսաստանի դաշնության կողմից ֆինանսավորվող` «Անտառային հրդեհների կառավարման կարողությունների զարգացում» ծրագրի շրջանակներում «Կլիմայի փոփոխության ազդեցության մեղմում Հայաստանում անտառային և դաշտային հրդեհների կառավարման կարողությունների զարգացման միջոցով» թեմայով աշխատանքային քննարկմանը։
26.03.2021թ. ԳԷՀ «Կովկասի տարծաշրջանում անտառի գլոբալ մոնիթորինգի արդիականացում» տարածաշրջանային ծրագրի տեխնիկական աշխատանքային խմբի հինգերորդ հանդիպումը
ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի ժամանակավոր պաշտոնակատար Լևոն Ազիզյանը այսօր կայացած ԳԷՀ «Կովկասի տարծաշրջանում անտառի գլոբալ մոնիթորինգի արդիականացում» տարածաշրջանային ծրագրի տեխնիկական աշխատանքային խմբի հինգերորդ հանդիպմանը հանդես եկավ «Կլիմայի փոփոխության ազդեցությունը անտառային էկոհամակարգերի վրա» զեկույցով:
24.03.2021թ. ՇՄՆ «ՀՄԿ» ՊՈԱԿ-ը նախաձեռնել է եղանակի, կլիմայի վերաբերյալ բաց դասերի անցկացում հանրապետության ուսումնական հաստատություններում
Օդերևութաբանության համաշխարհային օրվան և Հայաստանի Հանրապետությունում օդերևութաբանի օրվան նվիրված միջոցառումների շրջանակում՝ Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ը նախաձեռնել է եղանակի, կլիմայի վերաբերյալ բաց դասերի անցկացում հանրապետության ուսումնական հաստատություններում։
24.03.2021թ. «ՀՄԿ» ՊՈԱԿ-ի ուսումնական կենտրոնում մեկնարկեց «Որակի կառավարման համակարգ կլիմայական ծառայությունների համար» (QMS) առցանց վերապատրաստման սեմինարը
Մարտի 22-ին «Հիդրոօդերևութաբանության և մոնիթորինգի կենտրոն» ՊՈԱԿ-ի ուսումնական կենտրոնում մեկնարկեց Համաշխարհային օդերևութաբանական կազմակերպության (այսուհետ՝ ՀՕԿ) աջակցությամբ իրականացնվող «Որակի կառավարման համակարգ կլիմայական ծառայությունների համար» (QMS) առցանց վերապատրաստման սեմինարը, որը կտևի մինչև ապրիլի 1-ը։
24.03.2021թ. ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի աշխատակիցները խրախուսվել են շնորհակալագրերով
Շրջակա միջավայրի նախարար Ռոմանոս Պետրոսյանի կողմից Ջրի և օդերևութաբանության համաշխարհային օրերի կապակցությամբ, ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի ներքոհիշյալ աշխատակիցները՝ օրինակելի և բարեխիղճ աշխատանքի համար խրախուսվել են շնորհակալագրերով.
