20/05/2024
Շաբաթվա ընթացքում շարունակվել են մշակաբույսերի աճն ու զարգացումը:
Առանձին հովտային շրջաններում սկսվել է աշնանացան ցորենի կաթնային հասունացումը, նախալեռնային շրջաններում՝ հասկակալումը, իսկ լեռնային շրջաններում շարունակվել է աշնանացանի ծեղացողունի ներքին հանգույցների առաջացումը։ Նախալեռնային շրջաններում շարունակվել է եգիպտացորենի ծիլերի առաջացումը։
Հովտային և նախալեռնային շրջաններում շարունակվել է կորիզավոր պտղատուների աճն ու զարգացումը, իսկ լեռնային շրջաններում հնդավորների ծաղկումն ավարտվել է։
Առանձին հովտային շրջաններում սկսվել է խաղողի ծաղկումը, նախալեռնային շրջաններում՝ շարունակվել է ծաղկաբույլերի առաջացումը։
Հովտային շրջաններում շարունակվել է բանաջարանոցային մշակաբույսերի սածիլումը, տեղ-տեղ առաջացել են լոլիկի և սմբուկի կողային ընձյուղները, ձմերուկի առաջին տերևները։
Նախալեռնային շրջաններում դիտվել է կարտոֆիլի կողային ընձյուղների, լեռնային շրջաններում՝ ծիլերի առաջացում։
